Lirik Lagu Gayo Dene Ku Belang By Damora

Kodoke ku Elopen arape ku Reruang

I kampong Owak kamipe rede

Dele sudere totor berabang

Simen ni uyem gere terkire

Ine dele ni koro i uer Ketapang

Dele ku cerite ke male ku taos

Sepintes kiles padeh ne kurentang

Jarak perubahen seni enge teles

Pora ku kupes ku daerah Belang

Dele ni kampong si kucak-kucak

Simen ni tamak lagu kulem ni bandang

Ari kampong Kendawi baor Natu Peltak

Totor Ampa Kolak teles mubentang

Sepintes kiles kite munengon

Dele perubahen se tengah berkembang

Kecamaten Reket dele nge kemajuen

Aspal ni jelen nge lagu si denang

Nge berbeton atu benyer ni kede

Ne wo rupen gerele oya le kute belang

Kiser ku kiri jelen Kutecane

Ike kiser ku kuen temos Kute Panyang

Dele ni kampong si gere ku peren

Maaf laher baten jejari kutatang

Kadang ara langkah kase bersitoren

Kutiro ejen lebeh orom kurang

Entah-entah kite berkekede

Dene ku Gayo jelen ku Belang

Eh entah-entah kite berkekede

Dele sudere Takengen Belang

Wo Gayo…o…o…..

Gayoku wo…..

Wo Gayo…o…o…..

Gayoku wo…Gayo…..

(TribunGayo.com/Malikul Saleh)